محمود سبيع : الظروف اللى مريت بيها مع المصارعة والمنتخب يمكن معظمكم عاصرها معايا وعارف القصة كويس
صرح للاعب المصري من خارج مصر الظروف اللي مريت بيها من كذا سنة مع إتحاد المصارعة والمنتخب يمكن معظمكم عاصرها معايا وعارف القصة كويس.
في كام حاجه محتاج أقولها:
-مؤخرًا وصلني معلومات مؤكدة من مصادر موثوقة من أصدقاء ليا لاعبين في المنتخب ان الدولة بدأت تقدم الدعم في المعسكرات سواء المادي أو المعنوي على قد الإمكانيات المتاحة وبيوجدوا رعاة وبيحاولوا يوجدوا حلول جذرية لمساعدة الرياضيين والموهوبين وصناعة أبطال حقيقية تمثل البلد وتكون مثال يحتذي بيه بره وجوه على عكس زمان.
-الأكيد ان بقى فيه دعم عن الأول وفيه رعاية ماكنتش موجودة على أيامي تمامًا. اتمني ان يكون في اهتمام اكتر واكبر من الدوله و اتمني ان الحال يبقى افضل لكل رياضيين بلدي علشان يمثلوها بالشكل المناسب اللي يليق بيها قدام كل العالم.
حتي انا دلوقتي بعد احترافي للفنون القتاليه في امريكا ومبلعبش باسم مصر في اي لعبه أوليمبيه لسه برفع علم بلدي
مع ذلك تم التواصل معايا شخصيآ بمكالمه هاتفيه بعد مباراتي السابقه في صربيا من الدكتور اشرف صبحي وزير الرياضه و قدم لي الدعم المعنوي واتمني الدعم و الاهتمام اكثر من ذلك علشان ابطالنا ومواهبنا الكتيرة في كل المجالات و الرياضات ادعموهم و هنشوف علم مصر في كل حته في العالم
آخر حاجة اما تشوف ابطال مصر في اي لعبة عرفوا الناس بيهم وصلوا صوتهم انشرو انجازاتهم ادعموا كل شخص بيحاول أو بيسعي يحقق لقب أو انجاز عالأرض مصر فيها أبطال و مواهب محتاجة تظهر للنور.
